Ղրղզստանում Ուզբեկստանի դեսպան Քոմիլ Ռաշիդովը մասնակցել է Բիշքեկի կենտրոնում տեղի ունեցած հարբած ծեծկռտուքին: Այս մասին քաղաքի իրավապահ մարմիններում իր աղբյուրին մեջբերելով՝ տեղեկացնում է Вечерний Бишкек-ը:
Օգոստոսի 22-ի գիշերը քաղաքի խաչմերուկներից մեկում վթար է տեղի ունեցել: Դիվանագիտական պետհամարանիշներով մեքենան բախվել է «ՎԱԶ 2106» մակնիշի մեքենային, որից հետո ուզբեկ դիվանագետները դուրս են եկել մեքենայից և սկսել են ծեծել «ՎԱԶ»-ի վարորդին: Ականատեսների խոսքերով՝ դիվանագետները հարբած են եղել:
Երբ դեպքի վայր են ժամանել ՃՈ-ի ներկայացուցիչները, կռվարարները հրաժարվել են ենթարկվել՝ օգտվելով իրենց դիվանագիտական կարգավիճակից: Իրենց հարբած լինեը վերջիններս բացատրել են նրանով, որ նշել են ուզբեկ դիվանագետներից մեկի ծննդյան օրը: Ռաշիդովից բացի, օրինախախտների թվում է եղել նաև Ղրղզստանում Ուզբեկստանի հյուպատոսը:
Ուզբեկստանի դեսպանատունը տեղի ունեցածն առայժմ չի մեկնաբանել:
