Հայաստանից արտահանվող խոշոր եղջերավոր անասունների անմշակ մորթու ավելի քան 79 տոկոսը հասնում է Թուրքիա:
Այսպես, Պետեկամուտների կոմիտեի տվյալով այս տարվա առաջին կիսամյակում Հայաստանից արտահանվել է խոշոր եղջերավոր անասունների 82 հազար 500 հատ անմշակ մորթի, որի մեծ մասը՝ 65 հազար 300-ը արտահանվել է Թուրքիա: Հայկական մորթին համեմատաբար քիչ քանակությամբ հասնում է նաև Չինաստան (9.2 հազ. հատ), Վրաստան ( 4.8 հազ. հատ), Իրան (2.2 հազ. հատ) և Հնդկաստան (0.95 հազ. հատ):
Ընդհանուր առմամբ, Հայաստանից խոշոր եղջերավոր անասունների անմշակ մորթու արտահանման ծավալը այս տարվա առաջին կիսամյակում՝ անցած տարվա նույն ժամանակի համեմատ ավելացել է 10%-ով: Առաջին վեց ամիսներին արտահանված այս տեսակի անմշակ մորթիների ընդհանուր մաքսային արժեքը կազմել է 807 հազար 200 դոլար:
