Մերձավոր Արևելքի և Հյուսիսային Աֆրիկայի երկրներում ԱՄՆ դեսպանություններն օգոստոսի սկզբին դադարեցրել էին աշխատանքն այն պատճառով, որ «Ալ Քաիդայի» բարձրաստիճան գրոհայինները մտադրվել էին իրականացնել ահաբեկչական հարձակում, որը պետք է «փոխեր պատմության դեմքը»: Այս մասին հայտնում է Reuters գործակալությունը՝ հղում անելով Եմենի նախագահ Աբդ Մանդուր Հադիի հայտարարությանը:
Հադին նաև պատմել է, որ «Ալ Քաիդայի» ներկայացուցիչների միջև ահաբեկչական հարձակման մասին հուլիսի 29-ին տեղի ունեցած բանակցությունները որսալուց հետո Եմենի անվտանգության ուժերը երկրի տարածքում երկու խոշոր ահաբեկչրություն են կանխել: Գրոհայինները մտադիր էին 7-ական տոննա պայթուցիկներով երկու ավտոմեքենա պայթեցնել: Ահաբեկչութուններից մեկը պետք է տեղի ունենար Եմենի հարավ-արևելքում գտնվող նավթավերամշակման գործարանի մոտ, իսկ մյուսը՝ մայրաքաղաք Սանայում:
Եմենում ԱՄՆ դեսպանատունը մյուսների համեմատ ավելի երկար է փակ մնացել և աշխատանքը վերսկսել է օգոստոսի 18-ին:
