Սիրիական իշխանությունների դեմ պայքարող իսլամիստական խմբավորումն առևանգել է ամերիկացի լուսանկարիչ Մեթյու Շրայերին և նրան գերության մեջ պահել 7 ամիս: Շրայերի մասին, ում հաջողվել է փախչել գերությունից, գրում է New York Times-ը:
Լուսանկարչի խոսքերով՝ առևանգողներն իրեն մեղադրել են ԿՀՎ-ի աշխատակից և ամերիկացի գործակալ լինելու մեջ, անդադար ծեծել և կտտանքների են ենթարկել: Գրոհայինները նաև նրա բանկային հաշիվներից գումարներ են հանել ու գնումներ կատարել համացանցային խանութներում: Իսկ որպեսզի Շրայերի հարազատներն ու ընկերներն աղմուկ չբարձրացնեն, նրա էլեկտրոնային փոստից նրանց նամակներ են ուղարկել, թե որտեղ ասել են, որ իր մոտ ամեն ինչ կարգին է:
Գրոհայինները Շրայերի համար մտադրվել են ԱՄՆ իշխանություններից 3 մլն դոլար պահանջել, ինչպես նաև ամերիկացուն առաջարկել են ապրանքափոխադրող աշխատել և արտասահմանից Սիրիա գրոհայիններին անհրաժեշտ սարքավորումներ բերել:
Գերությունից Շրայերը փախել է հուլիսի վերջին՝ պատուհանից: Նա հանձնվել է գրոհայինների մեկ այլ խմբի, որոնք նրան հանձնել են Թուրքիայի իշխանություններին, վերջիններս էլ՝ ԱՄՆ-ին:
