«Առաջին լրատվական»-ի զրուցակիցն է ՀՀԿ խմբակցության ղեկավար Վահրամ Բաղդասարյանը:
-Պարոն Բաղդասարյան, այն բանից հետո, երբ Հովիկ Աբրահամյանը և նրա թիմը լքեցին ՀՀԿ-ի շարքերը խորհրդի անդամների թիվը պակասեց, այս առումով ի՞նչ է տեղի ունենում, արդյո՞ք նրանց փոխարեն այլ համալրումներ սպասվում են, թե ոչ:
-Մենք խորհրդի կազմն արդեն ձևավորել ենք, մի քանի անդամներ կան, որ այլևս խորհրդի անդամ չեն, մենք քանակն արդեն ֆիքսել ենք: Եթե կանոնակարգը թույլ է տալիս, կլինեն համալրումներ, իսկ եթե ոչ, մեզ չի խանգարում 130 անդամ կլինի, թե 133, դա էական տարբերություն չի տա:
-Պարոն Բաղդասարյան, խոսվում է այն մասին, որ Ջեմմա Բաղդասարյանն էլ է լինելու ՀՀԿ ցուցակում: Կա՞ այդպիսի բան:
-Առաջին անգամ եմ լսում: Մենք չենք քննարկել, որևէ ցուցակ չենք քննարկել:
-Հիմա ի՞նչ փուլում է ՀՀԿ ցուցակի հարցը:
-Քննարկման փուլում է, համբերեք ևս մի քանի օր, և ամեն ինչ ավարտված կլինի:
-Քննարկման վերջնակա՞ն փուլում է:
-Արդեն ամփոփում ենք, այո՛:
-Կլինեն այնտեղ մարդիկ, ովքեր անակնկալ կլինեն հանրության համար, նկատի ունեմ՝ քաղաքականության մեջ մինչև հիմա չեն եղել, և դուք հիմա նրանց բերում եք քաղաքականություն:
-Ես չեմ կարծում, որ ՀՀ որևէ քաղաքացի կարող է անակնկալ մատուցել, դա նրա սահմանադրական իրավունքն է, եթե տվյալ քաղաքական ուժը մտադրություն ունի փորձել իր քաղաքական ունակությունները, դա անակնկալ չեմ համարում: Կլինեն նոր դեմքեր:
Հարցազրույցն ամբողջությամբ՝ տեսանյութում:
