Թրամփի վարչակազմը հնարավորություններ է փնտրում քայքայել Իրանի և Ռուսաստանի միջև ռազմական, դիվանագիտական միությունը, որպեսզի վերջ դնի Սիրիայում հակամարտությանը և ակտիվացնի պայքարը ԴԱԻՇ-ի դեմ։ Այս մասին գրում է The Wall Street Journal պարբերականը՝ վկայակոչելով իր աղբյուրներին։
Աղբյուրների տվյալներով՝ Վաշինգտոնի մշակած ռազմավարությունը նպատակ ունի համատեղել առաջին հայացքից «հակասական հայտարարությունները ՌԴ նախագահ Վլադիմիր Պուտինի հետ հարաբերությունները բարելավելու վերաբերյալ» և Թեհրանին մարտահրավեր նետելու ԱՄՆ-ի ագրեսիվ փորձերը՝ կասկածի տակ դնելով Իրանի ռազմական ներկայությունը Մերձավոր Արևելքում։
Թրամփի վարչակազմի բարձրաստիճան անանուն աղբյուրը պարբերականին հաղորդել է, որ Սպիտակ տունը, չնայած Ռուսաստանի նկատմամբ հաշտարարական հայտարարությունների, պատրանքներ չի տածում Պուտինի հանդեպ։ Միևնույն ժամանակ Վաշինգտոնը Ռուսաստանին չի համարում էքզիստենցիալ սպառնալիք, ինչպես առը պատերազմի տարիներին ԽՍՀՄ-ին, և տվյալ փուլում կենտրոնացած է Իրանին զպելու վրա, ինչով էլ պայմանավորված է Սիրիայում Մոսկվայի և Թեհրանի համգործակցության միձև սեպ խրելու ձգտումը՝ գրում է թերթը։
