Աֆղանստանում ձնահյուսքերի շարքի զոհերի թիվը գերազանցել է 100-ը։ Այս մասին հայտնում է France Presse գո8ծակալությունը՝ հղում անելով պաշտոնյաներին։
Ձնահյուսքերի պատճառ են դարձել ձյան առատ տեղումները, որոնք շարունակվում են արդեն 3 օր։ Հաղորդվում է, որ ձյան տակ թաղված են Նուրիստան նահանգի երկու բնակավայրեր։
«Ձնահյուսքը ծածկել է Բարգմատալ շրջանի երկու գյուղեր, 50 դիեր են դուրս բերվել գյուղերից մեկում, ներկայում փրկարարները փորձում են հասնել երկրորդ գյուղին»,-հայտարարել է տարերային աղետների հետևանքների վերացման նախարարության ներկայացուցիչ Օմեր Մուհամմադին։
Ավելի վաղ հաղորդվել էր Բադահշան և Փարվան նահանգներում 54 զոհերի մասին։
Տարերային աղետի պատճառով դժվարացած է երթևեկությունը երկրի մի քանի գլխավոր մայրուղիներով, մասնավորպես Քաբուլը Կանդահարի հետ կապող ճանապարհը, որտեղ ձյան պատճառով արգելափակվել են հարյուրավոր ավտոմեքենաներ։
