Լիբիայի առաջնորդ Մուամար Քադաֆին ստիպված է լինելու հեռանալ կոալիցիայի երկրների ճնշումների ներքո, քանի որ մոտ ժամանակներում էլ ավելի է թուլանալու, ասել է ԱՄՆ նախագահ Բարաք Օբաման Մեծ Բրիտանիայի վարչապետ Դեյվիդ Քեմերոնի հետ հանդիպումից հետո կայացած համատեղ մամլո ասուլիսի ժամանակ: Այս մասին հաղորդում է Reuters գործակալությունը:
«Ես լիովին համաձայն եմ, որ հաշվի առնելով այն առաջընթացը, որն արձանագրվել է վերջին շաբաթների ընթացքում, Քադաֆին և նրա ռեժիմը պետք է հասկանան, որ ճնշումը, որը մենք նրա վրա բանեցնում ենք, չի թուլանալու»,- ասել է Օբաման:
Երկու ղեկավարները դիմել են Քադաֆիին ինքնակամ հրաժարական տալու կոչով, ընդ որում` Քեմերոնը չի բացառել, որ ճնշումը Լիբիայի առաջնորդի վրա ավելանալու է: «Ես կարծում եմ, որ մենք պետք է մեծացնենք ճնշումը, և այս առումով Մեծ Բրիտանիան կքննարկի հնարավոր տարբերակները»,- ասել է Քեմերոնը: