Իրանցի գործարարներն «Առաջին լրատվական»- ի հետ զրույցում անդրադարձան այն խնդիրներին, որոնց առնչվում են Հայաստանում գործունեություն ծավալելու ընթացքում: Նրանց հավաստմամբ՝ Հայաստանում առանց շահույթի են աշխատում, շուտով չեն աշխատի:
5 տարի Հայաստանում գործունեություն ծավալող իրանցի գործարար Համեդ Հոսեյինը Իրանից ապրանքներ է ներմուծում և իրացնում, իսկ Հայաստանից Իրան ապրանք չի արտահանում: Նրա խոսքով՝ օրենքները որ փոխվեցին, այստեղի առևտրականները թեքվեցին դեպի Ռուսաստան, Ղազախստան:
Համեդ Հոսեյինը նշեց, որ դժվարություններ կան՝ կապված մաքսազերծման հետ. «Ռազտամոշկեքը ահավոր թվեր են: Գների հետ չենք կարողանում հարմարվել»,- նշեց իրանցի գործարարը՝ հավելելով, որ Հայաստանում առևտուրը թույլ է: Նրա հավաստմամբ՝ եկամուտ գրեթե չկա, հազիվ ծախսերն են փակում:
10 տարի Հայաստանում գործունեություն ծավալող իրանցի գործարար Սպոլֆազ Մոթալաբ Զադեն նշեց, որ նախկինում մաքսազերծման հետ կապված խնդիրներն ավելի շատ էին: Նա ևս հավաստեց, որ առևտուր գրեթե չկա. «Յոլա ենգ գնում, տեսնենք վերջում ինչ կլինի»:
Մանրամասները՝ տեսանյութում:
