Աֆղանստանում «Թալիբան» շարժումը կարող է արդեն շատ մոտ ապագայում վերահսկողություն հաստատել Աֆղանստանի արևելյան շրջաններից մեկում, որը սահմանակից է Պակիստանին: Խոսքը Նուրիստան նահանգի մասին է, որի մի մասն արդեն գտնվում է իսլամիստների ձեռքին: Նահանգի ղեկավար Ջամալուդդին Բադարն ասել է, որ գրոհայինները վերահսկում են այդ նահանգի Դուաբ գավառի մի մասը, հիմա մարտեր են գնում այդ շրջանի արևելյան մասի համար:
Հայտնի է, որ աֆղանական զորքերը հետ են քաշվում՝ իբր վերադասավորումներ կատարելու և նոր հարված հասցնելու համար: Աֆղանական TOLO հեռուստաալիքը հայտնել է, որ այդ շրջանի գրեթե բոլոր բնակավայրերը «Թալիբանի» վերահսկողության տակ են: «Թալիբան» շարժման և Աֆղանստանի իսլամական կուսակցության մամլո խոսնակները հաստատել են, որ այս երկու կազմակերպությունների անդամները համատեղ հարձակում են իրականացնում Նուրիստանի վրա:
