The New York Times թերթը փոփոխություն է կատարել 1899 թ.-ին տպագրված մահախոսականի մեջ: Ինչպես նշում է թերթը, դա արվել է այն բանից հետո, երբ հրատարակչություն նամակ է եկել մահացածի 77-ամյա բարեկամի կողմից: Իր նամակում Նյու Հեմփշիր նահանգի Ուոլփոլ քաղաքի թոշակառուն լրագրողներին հայտնել է սխալի մասին` նշելով, սակայն, որ որևէ ակնկալիք չունի The New York Times-ից:
Թոշակառու Դանիել Շվենկը պատմել է, որ նամակ է ուղարկել հրատարակչություն մեկ ամիս առաջ, որով հայտնել է, որ 112 տարի առաջ հրապարակված մահախոսականում, որը նվիրված է եղել իր պապի եղբորը՝ լեյտենանտ Միլթոն Ք. Շվենկին, հայտնաբերել է մի շարք սխալներ:
Այսպես օրինակ՝ նրա անունը գրված է եղել Մելթոն, Միլթոնի փոխարեն: Նաև սխալ տեղեկություններ կային նրա հարազատների մասին, որոնց համաձայն՝ նրանք բնակվել են ոչ թե Ջորջիայում, այլ Փենսիլվանիայում: Սխալ է եղել տեղեկությունը նաև Միլթոնի՝ ԱՄՆ ռազմա-ծովային ակադեմիայում սովորելու տարիների մասին:
Ծանոթանալով Միլթոն Շվենկի եղբոր թոռան նամակին, The New York Times-ի լրագրողները ստուգել են հին մահախոսականը, իսկ դրանից հետո պատմության մասնագետների հետ անցկացրել մանրամասն քննություն: Արդյունքում հրատարակչությունը տպագրել է լեյտենանտի կյանքի մասին ճիշտ տեղեկություններ, որը 1899 թ.-ին Նյու Յորքում մահացել է կույրաղիքի բորբոքումից:
Դանիել Շվենկը շնորհակալություն է հայտնել թերթին և հայտնել, որ թերթի արած գործը իրեն դրդել է հարազատների որոնմանը:
