Չիլիի պատմության մեջ ուժեղագույն անտառային հրդեհների հետևանքով առնվազն 11 մարդ է զոհվել: Այս մասին հայտնում է BBC-ն՝ հղում անելով նախագահ Միշել Բաչելետին:
Կրակը ոչնչացրել է մոտ 500 000 հա անտառ և գյուղատնտեսական հողատարածք երկրի 7 շրջաններում:
«Մենք երբեք նման բան չենք տեսել երկրի պատմության մեջ»,- հայտարարել է Բաչելետը:
Ավելի վաղ նա տուժած շրջաններում արտակագ դրություն է հայտարարել:
Հրդեհների բռնկմանը նպաստել է երաշտը, հազարավոր մարդիկ տարհանվել են: Իշխանությունները ձերբակալել են հրկիզման մեջ կասկածվող մոտ 30 հոգու: Արտակարգ իրավիճակի հետ կապված՝ Չիլիին միջազգայն օգնություն է ցուցաբերվում:
