Իրանը ուրանի հարստացման նորագույն սերնդի IR-8 ցենտրիֆուգերի փորձարկում է սկսել: Այս մասին հայտնում է RIA Novosti-ն՝ հղում անելով Իրանի Ատոմային էներգիայի հարցերով կազմակերպությանը:
«Իսլամական հեղափոխության հաղթանակի տարեդարձի նախաշեմին և ատոմային էներգիայի հետ կապված խաղաղ ծրագրի զարգացման հետագա շարունակության հետ կապված՝ Իրան Իսլամական հանրապետությունը սկսել է UF6 գազի (ուրանի հեքսաֆտորիդ) բեռնման ճանապարհով IR-8 նորագույն սերնդի ցենտրիֆուգերի ուսումնասիրման և զարգացման կարևոր փուլ»,- ասվում է հայտարարության մեջ:
Հաղորդագրության մեջ նշվում է, որ փորձարկումներն իրականացվում են երկրի ղեկավարության հրահանգով և ըստ Գործողությունների համատեղ բազմակողմանի ծրագրի շրջանակներում երկրի ստանձնած պարտավորությունների:
IR-8-երն իրանցի մասնագետների մշակած և կառուցած նորագույն և առավել առաջատար ցենտրիֆուգերից են:
