«Տաշիր» ընկերությունների խմբի սեփականատեր Սամվել Կարապետյանն ընդգրկվել է ՌԴ անշարժ գույքի «արքաների» ցանկում՝ Forbes-ի վարկածով:
Forbes-ի ռուսական տարբերակը հունվարի 26-ին հրապարակել է Ռուսաստանի տարածքում կոմերցիոն անշարժ գույքի ամենահարուստ սեփականատերերի թարմացված վարկանիշը, որոնք հաջողությամբ վարձակալության են տալիս գույքը: Կարապետյանը վարկանիշային աղյուսակում զբաղեցնում է երրորդ հորիզոնականը: Գործարարին պատկանող հիմնական օբյեկտներն են «Ռիո» առևտրի և զվարճանքի կենտրոնը՝ Դմիտրովյան մայրուղում, և Novotel Moscow City-ն: Կարապետյանի եկամուտը գնահատվում է 670 մլն ԱՄՆ դոլար: Հրապարակման մեջ նաև նշվում է, որ «Իզվեստիա» թերթին և հրատարակությանը պատկանող հին շենքերի տեղում «Տաշիրը» կկառուցի 120 000 քմ բնակելի և կոմերցիոն անշարժ գույք։
2015թ. արդյունքների համաձայն՝ Fobes-ի վարկանիշային աղյուսակը գլխավորել են «Կիևյան տարածք» ընկերության սեփականատերեր Զարահ Իլիևն ու Գոդ Իսանովը (ընկերության՝ վարձույթից ստացված եկամուտը՝ $1 115 մլն), երկրորդ տեղում IKEA-ի սեփականատեր Ինգվար Կամպրադն է (վարձույթից ստացված եկամուտը՝ $680 մլն):
