ԱՄՆ առաջին տիկին Մելանյա Թրամփը երդմնակալությունից հետո անցկացված դիմակահանդեսի համար զգեստը ընտրել էր ֆրանսիացի դիզայներ Էրվե Պիեռից (Hervé Pierre)։ Վերջինս նախկինում եղել է Carolina Herrera նորաձևության տան գեղարվեստական տնօրեն։
Թե որ դիզայներից է ընտրել Մելանյան իր զգեստը, գլուխկոտրուկ էր դարձել ԶԼՄ-ների համար։
«Այն սքանչելի և միաժամանակ պահպանողական է»,-մեկնաբանել է CNN-ը առաջին տիկնոջ դեկոլտեով կաթնագույն զգեստը։
«Պատիվ է առաջին տիկնոջը հագցնելը։ Բախտս բերել է, որովհետև 20 տարում ԱՄՆ-ում հագցրել եմ բոլոր առաջին տիկնանց՝ միսիս Քլինթոնին, երբ աշխատում էի Oscar de la Renta-ում, միսիս Բուշին և միսիս Օբամային Carolina Herrera-ում։ Այնպես որ ես ինձ երջանիկ եմ զգում և պատիվ համարում Մելանյա Թրամփին հագցնելը, սակայն այս անգամ արդեն իմ անվան ներքո»,-ասել է նա։
Դիզայները նաև նշել է որ նոր առաջին տիկինը որպես նախկին մոդել գիտի, թե ինչ է ուզում, ինչը հեշտացրել է իր աշխատանքը։
