Forbes ամսագիրը կազմել է աշխարհի ամենաբարձր վարձատրվող մոդելների վարկանշային աղյուսակը: Առաջին տեղում է բրազիլուհի Ժիզել Բունդխենը, որը կարողացել է մեկ տարում 42 մլն դոլար աշխատել: Նրա տարեկան եկամուտը ոչ միայն զգալիորեն գերազանցել է գործընկերների եկամուտները, այլև այն գումարը, որ ստացել է նրա ամուսինը՝ ամերիկացի ֆուտբոլիստ Թոմ Բրեդլին (նրա եկամուտը կազմել է 38.3 մլն դոլար):
Ինչպես նշում է պարբերականը՝ 33-ամյա մոդելի հաջողության գաղտնիքը հայրենիքում նորաձևության շուկայի ակտիվ զարգացումն է:
Երկրորդ տեղում դերասան Օռլանդո Բլումի կինն է՝ ավստրալուհի Միրանդա Քերը: Նա մեկ տարում 7.2 մլն դոլար է աշխատել: Հատկանշական է, որ անցած տարի մոդելը զբաղեցել է վարկանիշի 7-րդ հորիզոնականը, սակայն նրա մասնակցությամբ գովազդի պատվիրատուների հետաքրքրությունը մեկ տարում մեծացել է: Նա շարունակում է համագործակցել ներքնազգեստ արտադրող Victoria’s Secret-ի հետ:
Երրորդ հորիզոնականում բրազիլուհի Ադրիանա Լիման է, որի եկամուտը մեկ տարում հասել է 6 մլն դոլարի: Նրա աշխատանքի հիմնական պատվիրատուն Victoria’s Secret ընկերությունն է: Նա բրենդի հետ համագործակցում է 2000 թվականից:
Թոփ տասնյակը հետևյալ տեսքն ունի.
1. Ժիզել Բունդխեն (42)
2. Միրանդա Քեր (7,2)
3. Ադրիանա Լիմա (6)
4. Քեյթ Մոսս (5,7)
5. Լյու Վեն (4,3)
6. Հիլարի Ռոդա (4)
7. Քերոլին Մերֆի (3,6)
8. Ջոան Սմոլս (3,5)
9. Քենդիս Սվեյնփոլ (3,3)
10. Լարա Ստոուն (3,2).
Ցուցակում ընդգրկված մոդելների մեծ մասը ներկայացնում են IMG գործակալությունը:
