Վաշինգտոնի մերձավորարևելյան քաղաքականության ինստիտուտը (WINEP) զեկույց է ներկայացրել թուրք-ամերիկյան հարաբերությունների մասին, որում կոչ է անում ԱՄՆ նորընտիր նախագահ Դոնալդ Թրամփին երաշխավորել Անկարային, որ ԱՄՆ Կոնգրեսը չի ճանաչի Հայոց ցեղասպանությունը։ Այս մասին հաղորդում է The Armenian Weekly պարբերականը։
«Միացյալ Նահանգերը կարող են երաշխավորել Թուրքիային, որ ԱՄՆ-ի Կոնգրեսում չի ընդունվի Հայոց ցեղասպանության մասին բանաձևը: Այդ հարցը մշտապես կարևոր է եղել հարաբերություններում, և թուրքերի մեծամասնությունն անտարբեր չեն այդ հարցի նկատմամբ»,-ասվում է զեկույցում, հեղինակներն են Անկարայում ԱՄՆ նախկին դեսպան Ջեյմս Ջեֆֆրին և թուրք գիտնական Սոներ Չագաթփայը:
Զեկույցի հեղինակները կոչ են արել Թրամփին առանձնակի ուշադրություն դարձնել Թուրքիայի հետ հարաբերություններին, մասնավորապես, ամրապնդել ռազմական համագործակցությունը, ինչպես նաև արտահանձնել ԱՄՆ-ում գտնվող իսլամի քարոզիչ Ֆեթուլլահ Գյուլենին, որին թուրքական իշխանությունները համարում են հուլիսին ռազմական հաղաշրջման փորձի կազմակերպիչ։
