ԱՄՆ հեռացող նախագահ Բարաք Օբամայի վաչակազմը չեղարկել է քաղաքականությունը, որի շրջանակում առանց վիզայի երկիր ժամանող կուբացիներին տրամադրվում է կեցության իրավունք։ Այս մասին փոխանցում է Reuters գործակալությունը։
Օբաման նշել է, որ վերաբերմունքը Կուբայից ժամանած անօրինական ներգաղթյալների հանդեպ կլինի այնպիսին, ինչպիսին այլ երկրներից ժամանածների դեմ։ Օբամայի խոսքով՝ Կուբայի իշխանությունները համաձայնել են հետ ընդունել այդպիսի անձանց, ինչպես նրանք դա անում են նրանց հետ, ում բռնում են ծովում։
Փոփոխություններն ամերիկյան միգրացիոն քաղաքականությունում արդեն ուժի մեջ են մտել։
Մինչ նորամուծությունը ԱՄՆ-ում գործել է «թաց ոտք-չոր ոտք» քաղաքականությունը, որի շրջանակում ցանկացած կուբացի ներգաղթյալ կարող էր հավակնել երկրում ապրելու։
Գործակալության տեղեկություններով՝ ավելի վաղ ամերիկացի ֆերմերներն ու ագրոարդյունաբերող միավորումները խնդրել էին նորընտիր նախագահ Դոնալդ Թրամփին շարունակել Կուբայի հանդեպ Օբամայի քաղաքական կուրսը։
