Haqqin.az պորտալի փոխանցմամբ՝ Սանգաչալի գազատարում որոտացել է հերթական պայթյունը։ Այդ մասին լրատվամիջոցին հայտնել են Ադրբեջանի պետական նավթային ընկերությունում (SOCAR) նրա աղբյուրները։
Նրանք ընդգծել են, որ շուտով պաշտոնապես կտեղեկացվի միջադեպի մասին։ Ներկա դրությամբ գազատարում շարունակում է մոլեգնել հրդեհը։ SOCAR-ում փորձում են պարզել պայթյունի պատճառները, որոնց թվում նշվում է նաև անորակ վերանորոգման-շինարարական աշխատանքներ իրականացնելը։
Ընդգծվում է, որ պայթյունը գրանցվել է տեղական ժամանակով ժամը 20.40-ին, նախորդ վթարի վայրից ոչ հեռու։ Վերջին շրջանում Սանգաչալի գազատարում գրանցվում է արդեն երրորդ պայթյունը։
