Հոլիվուդյան դերասանուհիներ Սկարլեթ Յոհանսոնը, Ջուլիաննա Մուրը, Ֆրենսիս Մակդորմանը, ինչպես նաև երգչուհիներ Քեթի Փերին, Շերը կմասնակցեն ԱՄՆ նորընտիր նախագահ Դոնալդ Թրամփի դեմ կազմակերպվող երթին, որին մասնակցելու են միայն կանայք, հաղորդում է The Washington Examiner-ը։ Խաղաղ ցույցը տեղի է ունենալու Վաշինգտոնում հունվարի 21-ին։
Ակցիան տեղի է ունենալու Թրամփի երդմնակալության արարողության հաջորդ օրը։ Կազմակերպիչների խոսքով՝ ակցիային մասնակցելու է շուրջ 200 հազար մարդ։
Յոհանսոնը հայտարարել է, որ ցանկանում է, որպեսզի մարդիկ լսեն իրեն և պատրաստվում է պաշտպանել այն, ինչին հավատում է։ Դերասանուհի Ամերիկա Ֆերերան նշել է, որ ԱՄՆ-ում ընտրություններից հետո շատերը մտավախություն ունեն, որ իրենց կարծիքը հաշվի չեն առնի։
