Իսրայելցի դիվանագետ Շաի Մասոթը բրիտանացի բարձրաստիճան պաշտոնյաներից մեկի հետ զրույցի ժամանակ Մեծ Բրիտանիայի ԱԳ ղեկավար Բորիս Ջոնսոնին «ապուշ» է անվանել։ Խոսակցությունը տեսանկարահանել է Al Jazeera հեռուստաալիքի թղթակցի թաքնված տեսախցիկը։
Հեռուստաալիքի տվյալներով՝ խոսակցությունը տեղի է ունեցել 2016թ․ հոկտեմբերին ոչ պաշտոնական միջավայրում ընթրիքի ժամանակ, որին ներկա է գտնվել Մասոթը, բրիտանացի բարձրաստիճան պաշնոտյա Մարիա Ստրիցոլոն և երրորդ անձ, որն իրականում հեռուստաալիքի գործակալն է եղել։
Իր կարծիքն արտահայտելով Ջոնսոնի մասին՝ Մասոթն ասել է․ «Գիտեք՝ նա ապուշ է, լինելով արտգործնախարար, նա ոչ մի պարտավորվածություն չունի»։
Բացի այդ դիվանագետն ասել է, որ դեմ չէր լինի «վերացնել» Մեծ Բրիտանիայի ԱԳ Նախարարի տեղակալ Ալան Դունկանին, որը բազմիցս քննադատել է Իսրայելին։ Մեծ Բրիտանիայում Իսրայելի դեսպանը ներողություն է խնդրել Դունկանին տեղի ունեցածի համար և հայտնել, որ այդ աշխատակիցը մոտ ժամաննակներս կդադարեցնի աշխատանքը իսրայելական հյուպատոսությունում։
Hidden camera footage reveals an Israeli diplomat discussing plans to “take down” Britain’s Deputy Foreign Minister, Sir Alan Duncan. pic.twitter.com/zdfwtQs7I6
— Al Jazeera English (@AJEnglish) January 8, 2017
