Պերմի Լենինյան դատարանը որոշում է կայացրել ՌԴ վարչապետ Վլադիմիր Պուտինից բռնագանձել 244 ռուբլի (մոտ 2500 դրամ) հօգուտ տեղացի իրավաբանի, որը հայց էր ներկայացրել ընդդեմ Պուտինի: Այս մասին հաղորդում է Interfax գործակալությունը:
Գումարը իրավաբանին կտրվի որպես դատական ծախսերի փոխհատուցում: Այդ հայցով իրավաբանը խնդրում էր դատարանին պարտադրել Պուտինին պատասխանել իր նամակին: Իրավաբանի նամակում նշվում էր, որ շրջանային որոշ կառույցներ 2007 թ. պարտքեր ունեն իր տրամադրած ծառայությունների դիմաց, ինչի համար էլ խնդրել է Պուտինի աջակցությունը: Սակայն վարչապետից այդպես էլ պատասխան չի ստացվել:
Այն բանից հետո, երբ նա դատի է տվել վարչապետին, իրեն պարտք եղած կազմակերպություններն ու հիմնարկները առաջարկել են նրան մարել դրանք, որից հետո իրավաբանը հրաժարվել է իր հայցից, սակայն պահանջել է, որ փոխհատուցվեն դատական ծախսերը:
