Գերմանիայից և Իսպանիայից հետազոտողները եկել են եզրակացության, որ կլիմայական փոփոխությունների հետևանքով Երկրի բնակիչները ստիպված կլինեն տառապել տապից:
Մինչև 21-րդ դարի ավարտը այդ շոգը կգրավի արդեն ցամաքի 85%-ը:
Գիտնականների կարծիքով՝ նման ճակատագիր է սպասվում մոլորակի բնակիչներին, եթե այս պահից միջոցառումներ չձեռնարկվեն ածխաթթու գազի արտանետման համար:
Հետազոտողները նաև համարում են, որ հանրությունը արդեն հիմա պետք է հարմարվի տապի նման ալիքներին, որպեսզի կրճատի բնության նմանատիպ երևույթների հետ կապված մահացությունների դեպքերը:
Ինչպես հաղորդում է Environmental Research Web պարբերականը՝ կլիմայի նման փոփոխությունները տեղի են ունենում հենց ածխաթթու գազի արտանետման պատճառով: Արդյունքում տապը կարծես ալիքներով վրա հասնի:
2010-ին դա իր վրա զգաց Ռուսաստանը, 2012-ին՝ ԱՄՆ-ը, իսկ այս տարի՝ նաև Եվրոպան:
Անոմալ բարձր ջերմաստիճանը ավելի գլոբալ կլիմայական փոփոխությունների հետևանք է՝ նշում են հետազոտության հեղինակները:
Եթե հիմա ոչ մի միջոց չձեռնարկվի, ապա 21-րդ դարի երկրորդ կեսին ջերմաստիճանը ցամաքի մեծ մասում կբարձրանա տարեկան 1%-ով: