Մոսկվայի և Համայն Ռուսիո պատրիարք Կիրիլը մասնակցել է սլավոնական գրերի տոնակատարությունների միջոցառումներին, որոնք տեղի են ունենում Մոսկվայում՝ կոչ անելով հավաքվածներին հիշել հոգևոր և պատմամշակութային արմատների մասին՝ ԽՍՀՄ-ն անվանելով «հզոր երկիր», որը փլուզվեց մի քանի օրվա ընթացքում, քանի որ փլուզվեցին այդ արմատները: Թեպետ ուղիղ խոսքում նա ԽՍՀՄ անունը չի նշել, բայց լրագրողները, հաշվի առնելով նախկինում էլ նրա արտահայտած մտքերը, ենթադրել էին, որ նա նկատի ունի ԽՍՀՄ փլուզումը:
Իր ողջույնի խոսքում Կիրիլը ազգը համեմատել է բազմադարյա մի ծառի հետ, որը կարող է չորանալ, երբ փտի նրա բունը, և ծառն անջատեն արմատներից: «Սա օրինակն է այն բանի, թե ինչ է տեղի ունենում ընտանիքի, ժողովրդի, պետության հետ, եթե նա անջատվում է արմատներից: Պետք չեն ոչ երկրաշարժեր, ոչ պատերազմներ. հզոր երկիրը կարող է փլուզվել մի քանի օրվա ընթացքում, և մենք այն բանի վկաներն ենք, ինչ տեղի էր ունենում 90-ականներին»,- ասել է պատրիարքը: Այս մասին հաղորդում է Gazeta.ru կայքը:
