Ռուսական RIA Novosti լրատվական գործակալության փոխանցմամբ՝ Իրկուտսկում «Բոյարիշնիկ» («Ալոճենի») լոսյոն խմելու պատճառով զոհերի թիվը հասել է 48-ի։ Այդ մասին հայտարարել է Լենինի շրջանի դատախազ Ստանիսլավ Զուբովսկին։
Հանգստյան օրերին Իրկուտսկի հիվանդանոցներ են դիմել բազմաթիվ մարդիկ, որոնք թունավորվել են կեղծ «Բոյարիշնիկի» պատճառով։ Դրա անլեգալ արտադրության արտադրամասը հայտնաբերվել է միկրոշրջաններից մեկում, որտեղ գրանցվել են առավել մեծ թվով թունավորումներ։
Քաղաքում գործել է «Բոյարիշնիկի» վաճառքի ավելի քան 100 կետ։ Իրավապահները ձերբակալել են խոնավեցնող այդ քսուքների վաճառքով զբաղվող 5 անձի և առգրավել են ավելի քան 2000 սրվակ։ Իրկուտսկում մտցված է արտակարգ դրություն։
