2013 թ. հուլիսի տվյալներով՝ վրացական գինու և ալկոհոլի արտահանումը 43 %-ով աճել է՝ համեմատած անցած տարվա նույն ժամանակաշրջանի հետ: Այս մասին հայտարարել է Վրաստանի գյուղատնտեսության նախարար Շալվա Պիպիան:
Հայտարարությունն արվել է Գինու ազգային գործակալության ղեկավար Լևան Դավիթաշվիլիի հետ համատեղ ճեպազրույցի ժամանակ, որը նվիրված է եղել խաղողի բերքահավաքի տոնին:
Ըստ Պիպիայի՝ այդ ցուցանիշի աճը կապված է երկրի արտահանման տարածքի ընդլայնմամբ, ինչպես նաև վրացական արտադրանքի ամենակարևոր շուկաներից մեկի՝ ռուսական շուկայի վերադարձով: