Ֆրանսիացիների ավելի քան 50 տոկոսը կարծում է, որ Ֆրանսիայի նախկին վարչապետ Ֆրանսուա Ֆիյոնը կհաղթի 2017 թվականին կայանալիք նախագահական ընտրություններում։ Այս մասին են վկայում Jornal du Dimanche պարբերականի համար Ifop ընկերության անցկացրած հարցման արդյունքները։
Ինչպես ցույց են տալիս հարցման արդյունքները՝ պատասխանողների 55 տոկոսը կարծում է, որ ընտրություններում հաղթանակը բաժին կհասնի Ֆիյոնին, սակայն ընդամենը 28 տոկոսն է ցանկանում նրա հաղթանակը։
Հարցման մասնակիցների 47 տոկոսը կարծում է, որ Ֆիյոնը կարող է երկրում բարեփոխումներ անցկացնել, 46 տոկոսը կարծում է, որ նա կատարում է ստանձնած պարտավորությունները։ Պատասխանողների միայն 28 տոկոսն է կարծում, որ նախկին վարչապետը հասկանում է շարքային մարդանց խնդիրները, 62 տոկոսը կարծում է, որ նախկին վարչապետի ծրագիրն իրենց մոտ անհանգստություն է առաջացնում։
Հարցումը, որին մասնակցել է 987 մարդ, անցկացվել է առցանց՝ դեկտեմբերի 14-16-ը։
Ֆրանսիայի նախագահի ընտրությունները կանցկացվեն երկու փուլով՝ ապրիլի 23-ին և մայիսի 7-ին։
