Հռոմի պապ Ֆրանցիսկոսը Դոնբաս այցելելու ցանկություն է հայտնել՝ հավատացյալների հետ հանդիպելու համար։ Այս մասին հայտարարել է Ուկրաինայում Վատիկանի դեսպան, արքեպիսկոպոս Կլաուդիո Գուջերոտին, ով ժամանել է ինքնահռչակ Լուգանսկի ժողովրդական հանրապետություն։ Այս մասին փոխանցում է RIA Novosti-ն։
«Երբ արդեն հանգստություն լինի, «եղբայրության ժամանակ», ապա Պապը պարտադիր կգտնի հնարավորություն այստեղ գալու և մարդկանց այցելելու համար, սակայն դրա համար հրավեր է պետք բոլոր կողմերից»,-ասել է Գուջերոտին։
Վատիկանի ներկայացուցիչը պարզաբանել է, որ ներկա պահին քահանայապետը չի կարող այցելել Դոնբաս, սակայն կցանկանար ներկա գտնվել այնտեղ, որտեղ կան դժվարություններ և համբերություն։ Արքեպիսկոպոսը հավելել է, որ Պապի նպատակն ու ցանկությունն է մարդկանց օգնելը՝ գտնելու ընդհանուր լեզու։
