ԱՄՆ բանտերից մեկում տարօրինակ դեպք է տեղի ունեցել: Այնտեղ մի քանի վտանգավոր հանցագործներ ստացել են ազատ տեղաշարժվելու հնարավորություն: Երբ խցերի դռները միաժամանակ բացվել են, չարագործները դուրս են եկել միջանցք ու սառը զենքով հարձակվել մրցակից խմբավորման ներկայացուցչի վրա:
Վարկածներից մեկի համաձայն՝ հանցագործությունը ծրագրվել ու իրականացվել է վարչակազմի թողտվությամբ:
Մայամի Դեյդ շրջանի բանտի տեսահսկման խցիկի կողմից հունիսի 14-ին արված տեսագրությունը The Miami Herald-ում է հայտնվել երկու ամիս անց:
Հարձակման օբյեկտ է դարձել «Նյու-Մոնեյ» ավազակախմբի պարագլուխ Քեննեթ Ուիլյամսը:
Ուիլյամսը ստիպված է եղել փախուստի դիմել և ցատկել երկրորդ հարկից: Այնուհետև երևում է, թե ինչպես է Ուիլյամսը գետնին ընկած տնքում ցավից:
Դրանից հետո անվտանգության աշխատակիցները կարգուկանոն են հաստատել ու բանտարկյալներին հետ ուղարկել խցերը՝ նրանց դեմ կիրառելով պղպեղի գազ: Ինքնաշեն դանակներն առգրավվել են: Ուիլյամսին կոտրվածքներով հոսպիտալացրել են:
