Մոտ 11 միլիոն անօրինական ներգաղթյալների օրինականացումը 10 տարում կբերի ԱՄՆ ՀՆԱ 1.4 տրիլիոն դոլար աճի: Այս մասին ասվում է հետազոտության մեջ, որը տարածել է Սպիտակ տունը:
Օրինագիծը, որը թույլ է տալիս անօրինական ներգաղթյալներին ԱՄՆ քաղաքացիության աստիճանաբար ստացում, անցել է Սենատով, սակայն կանգ է առել Կոնգրեսի Ներկայացուցիչների պալատում: Ներկայումս ներգաղթյալները ստանում են ավելի քիչ աշխատավարձ և վճարում համեմատաբար քիչ հարկեր, ինչը նվազեցնում է նրանց ներդրումն ԱՄՆ տնտեսության մեջ: Այս մասին հայտնում է RIA Novosti-ն:
Զեկույցում ասվում է, որ եթե նրանց քաղաքացիություն տրվի, նրանց աշխատավարձերը կբարձրանան, ԱՄՆ ՀՆԱ-ն կավելանա, բոլոր ամերիկացիների ընդհանուր եկամուտը կաճի 791 միլիարդ դոլարով, դաշնային ու նահանգների հարկերը կավելանան հավելյալ 184 միլիարդ դոլարով, իսկ տնտեսության մեջ 2 մլն աշխատատեղ կավելանա:
Սպիտակ տան զեկույցում նշվում է, որ տնտեսագետներն ու բիզնեսի առաջատարները համաձայն են, որ իշխանություններն օգտվեն խնդրահարույց միգրացիոն համակարգն ամբողջովին շտկելու պատմական հնարավորությունից: Նախագահը կոչ է արել Ներկայացուցիչների պալատին գործի անցնել և պատրաստ է աշխատել բոլոր կուսակցությունների հետ:
