«Քրեական օրենսգրքում» փոփոխություններ կատարելու մասին նախագծի քննարկմանը, որը վերաբերում է ապօրինի հարստացմանը, ԱԺ փոխխոսնակ Էդուարդ Շարմազանովը, հարց ուղղելով Արդարադատության նախարար Արփինե Հովհաննիսյանին, նկատեց, որ այսօր շատ պաշտոնյաներ ավելի շատ ունեցվածք, քան հայտարարագրել են. «Եթե իքս պաշտոնյան ունի վեց տուն, մի քսանհինգ մեքենա, որոնք գրանցել է զոքանչի, մորաքրոջ տղայի, իր քեռու որդու, հարևանի տղու, մերձավոր- բարեկամների անունով: Դե ֆակտո միգուցե գիտեն, որ դրանք իրենն է, բայց դե յուրե իրենը չէ: Ինչ ենք անելու այդ դեպքում»:
Արփինե Հովհաննիսյանը նկատեց, որ ամենաակտուալ հարցերից է, նա նշեց, որ մինչև զոքանչի մակարդակ փոխկապակցված անձանց շրջանակ ընդլայնել, աշխարհի որևէ երկիր չի արել. «Փոխկապակցված մարդկանց շրջանակը, ում անունով կարող է պաշտոնյան իր ունեցվածքը ձևակերպել, մինչև վերջ պարզել հնարավոր չէ: Քանի դեռ չենք անցել համատարած հայտարարագրված ինստիտուտին, դա հնարավոր չէ անել: Սակայն չկա որևէ երկիր, որ գնացել է այդ քայլին: Միակ երկիրը, որ դա արել է ու հետո հրաժարվել, Ռումինիան էր, և հրաժարվեց այդ քայլից:
Եթե արհեստական ձևով ես սեղմում շրջանակը, ապա պաշտոնատար անձը գտնում է բազմաթիվ այլ տարբերակներ շրջանցելու: Ես կարծում եմ, որ էվոլյուցիոն ճանապարհով պետք է գնանք՝ մոդելի ընտրության շրջանակներում մենք պետք է շատ զգույշ լինենք: Այս նախագծով հարյուր տոկոսանոց ամեն ինչ հրաշալի չի լինի, սակայն կլինի 70-80 տոկոսանոց արդյունք»:
Մանրամասները՝ տեսանյութում:
