«Ազգային անվտանգություն» կուսակցության ղեկավար Գագիկ Իսագուլյանը, «Առաջին լրատվական»-ի հետ զրույցում անդրադառնալով նախընտրական շրջանի գործընթացներին, նշեց, որ ողջունելի է դաշինքների ձևավորումը. «Դրանք կլինեն ընդդիմադիր, թե իշխանական, տարբերակում չեմ ուզում դնել: Շատ լավ կլինի, որ ընդդիմադիր դաշտը կարողանա գալ ընդհանուր հայտարարի և ձևավորել ընդհանուր ընդդիմադիր ճակատ»:
Գագիկ Ծառուկյանի՝ ակտիվ քաղաքականություն վերադարձի վերաբերյալ Գ. Իսագուլյանը նշեց, որ դա բացարձակապես նրա որոշելիքնն է: «Ես կարող եմ ասել, որ իշխանությունները արգելքներ չեն հարուցում, և եթե Գ. Ծառուկյանը որոշի, որ գալիք խորհրդարանական ընտրություններին մասնակցելու է և իր տեսակետն է հայտնելու, դա նրա իրավունքն է»:
Ի՞նչ փոխվեց այս մեկ տարում, որ հանկարծ «քաղաքական չարիքը» իշխանությունների համար այլևս որևէ խնդիր չի ներկայացնում: Այս հարցին ի պատասխան Իսագուլյանը նշեց. «Այս առումով մենք պետք է բավականին զգույշ լինենք: Այն, ինչ տեղի ունեցավ մինչև փոտրվարի 12-ը, ես այդ ժամանակ այդ գործընթացների մասնակիցն եմ եղել: Հետագա գործընթացների մասին շատ է խոսվել է, մեկնաբանություններ եղել են: Մեկ անգամ ևս կարող եմ ասել, որ գործընթացների նման վախճանի պատճառը եղան ոչ թե միայն իշխանությունները, որոնք, այո, բավականին կոշտ դիրքորոշում ունեցան, այլ պատճառը եղավ նաև այն, որ պարոն Ծառուկյանն այդ գործընթացների վերջում մնաց բացարձակ միայնակ:
Լևոն Տեր-Պետրոսյանը և Րաֆֆի Հովհաննիսյանն այդ ժամանակ Ծառուկյանին մենակ թողեցին, մի կողմ քաշվեցին: Պարզվեց, որ այդ գործընթացներից հետո միայն ես մնացի նրա կողքին …»:
Մանրամասները՝ տեսանյութում:
