«Առաջին լրատվական»-ի հետ զրույցում, անդրադառնալով հարցին, թե ինչ քայլեր են կատարվում Հայաստանում ներդրումներ գրավելու համար, Arrow Global Ltd ներդրումային ընկերության տնօրեն Սամսոն Ավետյանը նշեց, որ այդ խնդիրը դժվար լուծելի է, քանի որ մեր երկիրը փոքր է և մեծ ընկերությունների համար առանձնապես գրավիչ չէ, փոքր երկրներում սվորաբար արտահանման վրա են փորձում հարթակ ստեղծել:
«Կա մի քանի ոլորտ, որտեղ կարելի է ներդրումներ ներգրավել, պետք է այդ ուղղությամբ աշխատել՝ կենտրոնանալ այդ ոլորտների վրա: Տուրիզմի ոլորտում, արևային էներգիայի ստացման և գյուղատնտեսության որոշ ճյուղերի զարգացման համար կարելի է ներգրավել ներդրումներ»,- նշեց Սամսոն Ավետյանը:
Նրա խոսքով՝ կառավարության մոտ նկատելի է բարեփոխումների, լավ քայլերի խթանը, և դրա արդյունքները տեսանելի կլինեն 3-4 տարի հետո: Նրա կարծիքով՝ կառավարության մոտ բարեփոխումներ անելու էներգիա նկատվում է, սակայն անհրաժեշտ է հստակեցնել թիրախները:
Ս. Ավետյանի կարծիքով՝ դեռևս անհրաժեշտություն կա վարկեր վերցնելու, սակայն պետք է արտադրողականոթյունը բարձրացնելու ուղղությամբ քայլեր ձեռնարկել:
Մանրամասները՝ տեսանյութում:
