Կալիֆոռնիայի բնակիչ Քևին Լի Կոն յոթը տարի շարունակ գումար է գողացել իր գործատուից և փողերը ծախսել է Game of War բջջային խաղի վրա, հաղորդում է BBC News-ը։
2006թ․ ամերիկացին ընդունվել է աշխատանքի Holt ընկերությունում, որը զբաղվում է Caterpillar հոտւկ տեխնիկայի վաճառքով։ Երկու տարի անց նա սկսել է գումար գողանալ գործատուի հաշվեհամարից և շարունակել է գողությունը ընդհուպ մինչև բռնվելը (2015թ․)։ Տղամարդը երկար ժամանակ կարողացել է գաղտնի պահել հանցագործության փաստը, քանի որ ղեկավարել է հաշվապահական ընկերություն։
7 տարվա ընթացքում Քևինը Holt-ի հաշվեհամարից գողացել է շուրջ 5 միլիոն ԱՄՆ դոլար։ Նա ձեռք է բերել մի քանի թանկարժեք ավտոմեքենա, պլաստիկ վիրահատություն է կատարել և 1 միլիոն դոլար ծախսել է Game of War բջջային խաղի վրա։ Տղամարդուն սպառնում է մինչև 20 տարվա ազատազրկում խարդախության և փողերի լվացման մեղադրանքով։
