Բաթումի նավահանգստի ջրային տարածքում երեքշաբթի առավոտյան մեկնարկել են վրաց-ամերիկյան ծովային զորավարժությունները: Դրանց մասնակցում են շաբաթ օրը նավահանգիստ ժամանած ԱՄՆ ռազմածովային ուժերի 6-րդ նավատորմի BULKELEY ականակիր նավը և առափնյա պահպանության երկու վրացական մոտորանավակներ: Այս մասին հայտնում էGruziya Online-ը:
Զորավարժությունների ժամանակ կողմերը կմշակեն բնակչության անվտանգության ապահովման, ինչպես նաև խախտում կատարած նավերի կալանման համատեղ գործողությունների մեթոդիկա:
Մինչ գործնական վարժությունները՝ ամերիկացի զինվորականները վրացի գործընկերների համար անցկացրել են մարտավարական և տեսական ուսուցում: Այցի ընթացքում ամերիկյան նավի անձնակազմը և առափնյա պահպանության սպաները հանդիպում են անցկացրել՝ զորավարժությունների ծրագրման նպատակով:
Ամերիկյան ականակիր նավը քառօրյա պաշտոնական այցով Բաթումի նավահանգիստ է ժամանել շաբաթ օրը:
Ամերիկացի հյուրերը հանդիպել են սահմանային ոստիկանության պետ Կոբա Բոչորիշվիլիի և գերատեսչության այլ ղեկավար անձանց հետ:
Այսօր՝ զորավարժությունների ավարտվելուն պես նավը կլքի Վրաստանի տարածքային ջրերը:
