Եվրոպացի և ամերիկացի անկախ գիտնականների խումբը ստեղծել է դավադրությունների անհավանական տեսությունների ցուցակը, որոնք աշխարհում երբևէ գոյություն են ունեցել։
KFC ռեստորանների հավը աֆրոամերիկացիների մոտ չբերություն է առաջացնում
«Պատկերացումը, որ աֆրոամերիկացիներն ի ծնե սիրում են տապակած հավ, ԱՄՆ-ում տարածված տեսակետ է»,- նշում են հետազոտության հեղինակները: Բայց դա չէր պատճառը, որ գնդապետ Հարլանդ Սանդերսը 1952 թ. բացեց Kentuсky Fried Chiken ռեստորանը, որը 1991-ից կրճատել է իր անունը՝ դարձնելով KFC: Համաձայն դավադրության թեորիաներից մեկի՝ Սանդերսը եղել է «ԿուԿլուքս-Կլանի» ակտիվ անդամներից մեկը: KFC-ի օգնությամբ նա պլանավորում էր կերակրել աֆրոամերիկացիներին տապակած հավով, որը հատուկ նյութ էր պարունակում: Այն նպաստում էր չբերության զարգացմանը բացառապես սևամորթների շրջանում՝ գրում է Sexenio.com-ը:
The Beatles խումբը ստեղծվել էր MI6 հետախուզության կողմից՝ ԱՄՆ-ում իշխելու համար
1960-ական թթ. բրիտանական հասարակության մեջ խորը փոփոխությունների շրջան էր: Երկրորդ համաշխարհային պատերազմից հետո ուժերի հավասարակշռությունը փոխվեց, և Մեծ Բրիտանիան կտրուկ զիջեց իր դիրքերը: ԱՄՆ-ի հզորության աճը Բրիտանական կայսրության անկման խորհրդանիշն էր: Սակայն Մեծ Բրիտանիայի արտաքին հետախուզության (MI6) մասնագետները մտածել էին, թե ինչպես կարելի է ազդեցություն գործել նախկին գաղութի վրա և սկսել էին վերահսկել երիտասարդ ամերիկացիներին: Դրա համար նրանք Լիվերպուլից գտան չորս երիտասարդների և ստիպեցին նրանց ռոք-խումբ ստեղծել:
Մարդկությանը կառավարում է երկկենցաղը
Նրանք եկել են Երկիր խորը տիեզերքից, և նրանց նպատակն այն է, որ վերահսկեն մարդկությանը՝ պահելով նրան մշտական ստրկության մեջ: Բրիտանական թագավորական ընտանիքի անդամները, Բիլ և Հիլարի Քլինթոնները, Բարաք Օբաման պատկանում են այդ ոչ երկրային քաղաքակրթությանը:
2004 թ. Սումատրուին վրա հասակ ցունամին հրահրված էր
2004 թ. դեկտեմբերի 26-ի ինդոնեզական կղզու մոտ ստորջրյա երկրաշարժը հսկայական ալիք էր առաջացրել, որը խլել էր ավելի քան 25 հզ. մարդու կյանք մի քանի ասիական երկրներում: Աղետն առաջացել էր միջուկային փորձարկմամբ, որն իրականացվել էր ԱՄՆ-ի, Հնդկաստանի և Իսրայելի կողմից: Ինչպես պնդում են այդ տեսության կողմնակիցները՝ այդ կերպ փորձարկվել էր զանգվածային ոչնչացման նորագույն զենքը:
Նացիստները լազերներ են ունեցել Լուսնի վրա
Օկուլտիզմը և էզոտերիկայի փորձարկումները թույլ են տվել Ադոլֆ Հիտլերի կողմնակիցներին տիեզերանավեր մշակել: Դրանցով նացիստներն Անտարկտիդայից ուղևորվել են Լուսնի մութ հատված, որտեղ հատուկ մշակված բազայում պատրաստվել են վերադառնալ Երկիր, գրավել մոլորակի իշխանությունը և ստրկացնել մարդկությանը: