ԱՄՆ-ը հավելյալ 200 զինծառայող կուղարկի Սիրիա՝ ԴԱԻՇ ահաբեկչական խմբավորման գրոհայիններից Ռաքքա քաղաքի ազատագրման գործողությանը մասնակցելու համար։ Այս մասին հայտնել է Պենտագոնի ղեկավար Էշթոն Քարթերը Բահրեյնի մայրաքաղաք Մանամայում համաժողովի ժամանակ։
«Պաշտպանության նախարարը հայտարարել է, որ ևս 200 զինծառայող կուղարկի Սիրիա՝ օգնելու տեղի ուժերին դուրս մղել ԴԱԻՇ-ին Ռաքքայից»,-հայտարարել է Պենտագոնի պաշտոնական ներկայացուցիչ Փիթեր Կուկն իր պաշտոնական թվիթերյան միկրոբլոգում։
Ռաքքան համարվում է Սիրիայում ԴԱԻՇ-ի գրոհայինների ոչ պաշտոնական «մայրաքաղաքը» և իրաքյան Մոսուլից հետո տարածաշրջանում ահաբեկիչների երկրորդ պատվարը։ Մոտ 300 հազար բնակչությամբ քաղաքը զավթվել էր ահաբեկիչների կողմից 2013 թվականին։
