«Преступнaя Россия»-ին հայտնի են դարձել Մոսկվայում ձերբակալված «օրենքով գող» Արտյոմ Առաքելյանի՝ (քրեական մականունը՝ Արտյոմ Լիպեցկի) գործի մանրամասները:
Ինչպես տեղեկացրել է աղբյուրը, 38-ամյա Առաքելյանի ձերբակալությունը հնարավոր է դարձել այն բանից հետո, երբ նրա ոստիկանական «տանիքը» պաշտոնից հեռացվել է: Օպերատիվ տվյալների համաձայն՝ Առաքելյանին երկար ժամանակ հովանավորել են ԱԴԾ-ի «К» վարչության աշխատակիցները, սակայն այժմ նրա հովանավորներին հեռացրել են աշխատանքից, և իրավապահները կարողացել են ձերբակալել «անձեռնմխելի» «օրենքով գողին»:
Օպերատիվ տվյալների համաձայն՝ քրեական հեղինակությունն ամեն ամիս իր հովանավորներին 10 հազար դոլար է վճարել, իսկ նրանք դուրս են բերել նրան տարբեր իրավիճակներից: Դրանից բացի, ոստիկանության աշխատակիցներն իրենց կանանց հետ մասնակցել են «օրենքով գողերի» հոբելյաններին, ինչի հետևանքով էլ, ի վերջո, նրանց գործունեությունը բացահայտվել է։
