Մոտ 8500 մարդ, այդ թվում 2900 երեխաներ, լքել են Հալեպի՝ գրոհայինների վերահսկողության տակ գտնվող շրջանները։ Այս մասին հայտնում է RIA Novosti-ն՝ հղում անելով Սիրիայում հակամարտող կողմերի հաշտեցման ռուսական կենտրոնին։
«Միայն վերջին մեկ օրում հակամարտող կողմերի ռուսական կենտրոնի աջակցությամբ Հալեպի՝ գրոհայինների վերահսկողության տակ մնացող շրջաններից դուրս են եկել 8461 քաղաքացիներ, այդ թվում 2934 երեխա»,-ասվում է հաղորդագրությունում։
Բացի այդ, 14 գրոհայիններ հանձնվել են, համաներվել ու անցել բանակի կողմից վերահսկվող Արևմտյան Հալեպ։
Ռուս սակրավորներն ականազերծել են Հալեպի 6 հեկտար բնակելի թաղամաս, ինչպես նաև ջրաբաշխիչ կայանը, երկու էլեկտրական ենթակայաններ, նույնքան դպրոց ու մզկիթ՝ նշում է կենտրոնը։
