Արդեն 4-5 տարի է գործում է ՓՄՁ խորհուրդը, որի միջոցով չլուծված հարցերը դառնում են քննարկման առարկա և հենց վարչապետի սեղանին են դրվում: Այս մասին «Առաջին լրատվական»-ի հետ զրույցում ասաց ՓՄՁ համագործակցության ասոցիացիայի ղեկավար Հակոբ Ավագյանը:
Նրա դիտարկմամբ՝ Հարկային օրենսգրքում խնդրահարույց մասեր կան. «Նախ պետք է «գույքագրվեին» մինչ այժմ եղած չլուծված հարցերը, ինչը պատշաճ ձևով չի կատարվել: Ցավոք, Հարկային օրենսգիրքը ֆիսկալ քաղաքականության տեսանկյունից մշակվեց: Ընդհանուր մոտեցում, ընդհանուր տեսլական պետք է լիներ… Եվ երրորդ՝ երաշխիքներ պետք է լինեն, որ եթե չկիրառվեն օրենսգրքի դրույթները, ապա ինչ կլինի: Միակ երաշխիքը շարունակում է մնալ ՊԵԿ-ին կից գործող գանգատարկման հանձնաժողովը:
Մենք առաջարկում ենք Վրաստանի օրինակով բիզնես օմբուդսմենի ինստիտուտ ներդնել՝ որպես հակակշիռ ինստիտուտ, որպես երաշխիք, որ ընդունված դրույթները կիրառվելու են: Սակայն դեռևս չունենք այս ինստիտուտը»:
Հ. Ավագյանի խոսքով՝ կառավարությունը փոխվեց, բայց նախորդ կառավարության ներկայացրած ՀՕ-ն ընդունեվեց նոր կառավարության կողմից: Նրա գնահատմամբ՝ Հարկային օրենսգրքի ռեֆորմը շատ ցաքուցրիվ արվեց: Հ. Ավագյանը հույս հայտնեց, որ 2017-ին ինչ-որ դրույթներ կփոփոխվեն կամ կհանվեն ՀՕ-ից:
ՓՄՁ համագործակցության ասոցիացիայի ղեկավարի դիտարկմամբ՝ տարիներ շարունակ կուտակվել է վստահության պակասը, որը նաև բիզնես միջավայր է մտել. անհրաժեշտ է վստահությունը բարձրացնող կոնկրետ քայլեր անել:
«Բիզնես միջավայրի ներկայացուցիչների և կառավարության միջև քննարկումներ կլինեն,- վստահեցրեց Ավագյանը և հավելեց՝ կողմնակից եմ, որ պետություն- մասնավոր հատված երկխոսությունը լինի պարբերաբար, կարգավորման մեխանիզմներ կիրառվեն, բայց մենք գնում ենք արագ լուծումների ճանապարհով»:
Մանրամասները՝ տեսանյութում:
