ՕԵԿ խմբակցության ղեկավար Հեղինե Բիշարյանն այսօր ԱԺ-Կառավարություն հարցուպատասխանի ժամանակ անդրադաձավ «Նաիրիտի» խնդրին և նշեց, որ այսօր էլ խորհրդարանի շենքի դիմաց հավաքվել էին սնանկ ճանաչված «Նաիրիտի» աշխատակիցները, որոնք պահանջում են իրենց աշխատավարձերը:
Դավիթ Հարությունյանը պատասխանելով նշեց, որ սնանկ ճանաչելը ընկերության առողջացման տարբերակ է: «Ավելի հեշտ է, իհարկե, պոպուլիստական հայտարարություն անելը, սակայն դա ծանր է նստում, ու մարդկանց դնել հակասության մեջ, որ մի առանձահատուկ, տիեզերական լուծում է գտնվել, ճիշտ չէ: Ավելի լավ է ասել ճշմարտությունը: «Նաիրիտը», երբ աշխատել է, երբևէ չի եղել շահութաբեր ընկերություն, շատերին թվում էր, թե տեղի է ունենում արտադրություն, բայց դա արվում էր՝ ի հաշիվ այլ տնտեսվարողների, և, ի վերջո, մենք՝ բոլորս, մեր գրպանից վճարում էինք, որ «Նաիրիտի» աշխատակիցներին գումար վճարեինք: Ես չգիտեմ այլ ընկերություն, որի աշխատակիցներին մենք՝ հարկատուներով գումար վճարեինք»,-բացատրեց Հարությունյանն՝ ընդգծելով, որ սնանկ ճանաչելու քայլը ճիշտ է գնահատում:
Մանրամասները՝ տեսանյութում:
