ԱՄՆ նորընտիր նախագահ Դոնալդ Թրամփը աշխատանքից հեռացրել է իր թիմի անդամներից մեկին՝ գեներալ-լեյտենանտ Մայքլ Ֆլինի որդուն, այն պատճառով, որ նա Twitter-ի միջոցով սուտ տեղեկատվություն է տարածել Հիլարի Քլինթոնի մասին, հաղորդում է New York Times-ը։
Կիրակի ոստիկանությունը Վաշինգտոնի Comet Ping Pong արագ սննդի հաստատությունում ձերբակալել է զինված տղամարդու։ Քննության տվյալներով՝ նա ցանկացել է «հետաքննել» համացանցում տարածված շշուկներն այն մասին, որ Քլինթոնն իբրև թե գլխավորել է երեխաներին սեռական շահագործման ենթարկող հանցավոր խմբավորում, որի կենտրոնը այդ հաստատությունն է։
Պարբերականի տվյալներով՝ և՛ Մայքլ Ֆլինը, որին Օբաման նախատեսում է նշանակել անվտնագության հարցերով խորհրդական, և՛ նրա որդին ռեթվիթ են արել սուտ տեղեկատվությունն այն մասին, որ Հիլարին իբրև թե քրեական հանցագործություններ է կատարել։
Ինչպես նշում է New York Times-ը, տեղի ունեցածից մի քանի ժամ անց Ֆլինի որդին սոցցանցում գրառում է կատարել, որով չի հերքել այսպես կոչված «պիցցայի գործը»։ Դրանից հետո Թրամփի ներկայացուցիչ Ջեյսոն Միլլերը հայտարարել է, որ գեներալ Ֆլինի որդին այլևս Թրամփի անցումային թիմի անդամ չէ։
