Նավթի համաշխարհային գներն աճում են։ Brent մակնիշի հյուսիսծովյան նավթային խառնուրդի մեկ բարելի արժեքը հոկտեմբերի 24-ից ի վեր առաջին անգամ հասել է 52 դոլարի նշագծին։ Այս մասին են վկայում բորսային տվյալները։
Brent-ի փետրվարյան ֆյուչերսների արժեքը բարձրացել է 9,23%-ով՝ հասնելով մեկ բարելի դիմաց 52 դոլարի։ WTI ամերիկյան թեթև նավթի հունվարյան ֆյուչերսների արժեքը թանկացել է 9,11%-ով՝ հասնելով 49.35 դոլարի։
Նավթի համաշխարհային գների կտրուկ աճի պատճառը նավթի արդյունահանման կարճատման վերաբերյալ ՕՊԵԿ-ի համաձայնագիրն է։ Աճի տեմպերը խոշորագույնն է դարձել վերջին 9 ամիսներին՝ գրում է The Wall Street Journal-ը։
Թանկացել են նաև համաշխարհային նավթային ընկերությունների բաժնետոմսերը, այդ թվում բրիտանական BP-ինն ու ֆրանսիական Total-ինը։
Այժմ ՕՊԵԿ-ի երկրներն օրական արդյունահանում են 33.6 մլն բարել նավթ։ Նրանց արդյունահանումը գործարքի արդյունքում կնվազի 4.5 տոկոսով։