Գերմանիայի հեռահաղորդակցական ոլորտի առաջատարներ Deutsche Telekom-ի ու United Internet-ի հաճախորդների միջև ամբողջ նամակագրությունը ավտոմատ կերպով կիրականացվի կոդավորված: Այս մասին հայտարարել են երկու կոնցեռնների ղեկավարներ Ռենե Օբերմանն ու Ռալֆ Դոմերմուտը:
Ինչպես հայտնում է Deutsche Welle-ն, այդ կոնցեռններին պատկանող ծառայություններին (T-Online, GMX և Web.de) բաժին է ընկնում երկրի բնակիչների մոտ 60 մլն էլեկտրոնային փոստերի 2/3-ը:
Օբերմանի խոսքով՝ E-Mail Made in Germany նոր ծառայությունը բաց է նաև այլ ընկերությունների համար և նույնիսկ կարող է տարածվել ամբողջ Եվրոպայում:
«Գերմանիայի բնակիչները խոր անվստահության զգացում ունեն լրտեսական սկանդալի պատճառով»,- հայտարարել է Deutsche Telekom-ի ղեկավարը:
