Մեծ Բրիտանիայի Մանչեսթեր քաղաքի համալսարանում նոր ֆակուլտետ կբացվի, որտեղ կուսուցանվեն սարսափ ոճով գրված դասական գործերը։ Սակայն ժամանակակից շոուների և վամպիրների մասին ֆիլմերի հիման վրա գումար վաստակելու հնարավորությունը ևս բուհի ղեկավարությունը մտադիր չէ բաց թողել: Նման ֆիլմերից է, օրինակ, «Մթնշաղը»:
Դասախոսներն ասում են, որ իրենց առարկան, որը նախկինում շատ քչերին էր հետաքրքրում, ներկայումս շատ պահանջված է դարձել: «Մթնշաղը», ինչպես նաև դերասաններ Ռոբերթ Փաթինսոնի և Քրիստին Սթյուարթի գերազանց խաղը, մեծ դեր են ունեցել սարսափ ոճի տարածման մեջ:
Գրականագետ Լինի Բլեյքը, ով կգլխավորի այս հետաքրքիր ֆակուլտետը, ասել է, որ ծրագրում ընդգրկված գործերն ուսանողին կօգնեն ուսումնասիրել և ավելի լավ հասկանալ պատմությունը:
Ֆակուլտետի համար նոր ուսանողների հավաքագրումը տեղի կունենա հոկտեմբերի 21-27-ը: Այս մասին հաղորդում է Federal Post-ը:
