Մայամիում 18-ամյա Իսրայել Էրնանդես-Լյախը մահացել է այն բանից հետո, երբ ոստիկանները նրա դեմ էլեկտրաշոկային զենք են կիրառել: Այս մասին հայտնում է Reuters գործակալությունը:
Փաստի առթիվ ոստիկանությունում ներքին հետաքննություն է անցկացվում, իսկ էլեկտրաշոկ կիրառած աշխատակիցը վճարվող արձակուրդ է ուղարկվել: Սպանվածի հարազատները պատրաստվում են հայց ներկայացնել ոստիկանության դեմ՝ մեղադրելով անհամաչափ ուժի կիրառման մեջ:
Դեպքը տեղի է ուեցել երեքշաբթի երեկոյան: Ոստիկանների խոսքով՝ իրենք տեսել են, թե ինչպես է դեռահասը գրաֆիտի նկարում չթույլատրված տեղում: Երիտասարդը փախել է, իսկ իրավապահները սկսել են հետապնդել նրան: Երիտասարդը հրաժարվել է կանգնել, և ոստիկաններից մեկը նրա կրծքին կրակել է էլեկտրաշոկով:
Էրնանդես-Լյախը ծնվել է կոլումբիացի ներգաղթյալների ընտանիքում: Այս ամռանը նա միջնակարգ դպրոցն էր ավարտել: Եթե իրադարձությունները նման կերպ չզարգանային, պատանին ընդամենը հասարակական աշխատանքի կդատապարտվեր:
