Տեր Բաբկեն քահանա Հայրապետյանը լրագրողների հետ հանդիպման ժամանակ քրիստոնեական բացատրություն տվեց աշխարհի կործանման մասին օրերս տարածված լուրերին։
Հիշեցնենք, որ ամերիկացի թոշակառու Ռոբերտ Ֆիցպատրիկի կանխատեսումը, թե մայիսի 21-ին աշխարհի վերջն էր լինելու, մեծ աղմուկ է առաջացրել ամբողջ աշխարհում, հատկապես ԱՄՆ-ում։
«Երբ Քրիստոսին հարցրին՝ ե՞րբ է լինելու աշխարհի վերջը, Նա պատասխանեց, որ ո՜չ ինքը, ո՜չ հրեշտակները չգիտեն այդ մասին, դա գիտի միայն Հայր Աստված»,- ասում է տեր Բաբկենը։ Աստվածաշնչում գրված է միայն, թե որոնք են լինելու աշխարհի վերջի նախանշանները. ավերածություններ, արհավիրքներ, հակաքրիստոսի մուտքը Երուսաղեմ։
Ըստ քահանայի՝ Աստվածշունչը զգուշացրել է, որ գալու են մարդիկ, ովքեր խաբելու են և այլ վարկածներ են առաջարկելու աշխարհի վերջի մասին, սակայն տեր Բաբկենը հորդորում է նրանց չհավատալ և խուճապի չմատնվել։