Amazon համացանցային ընկերությունն օգոստոսի 6-ին թողարկել է Amazon Art պլատֆորմը, որտեղ սկսել է արվեստի ստեղծագործություններ վաճառել:
Ներկայացված ստեղծագործությունները վաճառվում են 150 ամերիկյան ցուցասրահներում և այլ երկրների դիլլերների կողմից: Ընդհանուր հաշվով առցանց-սրահում արվեստի 40 հազար նմուշներ են վաճառվում, որոնց գները տատանվում են 40 դոլարից 4,85 միլիոն դոլարի միջև:
Amazon-ում ամենաթանկարժեքն ամերիկացի նկարիչ Նորման Ռոքվելլի Willie Gillis: Package from Home կտավն է: Կայքում վաճառվում են նաև Սալվադոր Դալիի, Կլոդ Մոնեի, Էնդի Ուորհոլի աշխատանքները:
Ինչպես տեղեկացնում է BBC News-ը, Amazon-ը վաճառում է կա՛մ բնօրինակները, կա՛մ սահմանափակ շարքից օրինակներ: Ընկերությունը երաշխավորում է նաև ստեղծագործությունների բարձր որակը, որոնցից յուրաքանչյուրի մասին մանրամասն տեղեկատվություն է տրվում։ Արվեստի ստեղծագործության որոնումը հնարավոր է կատարել չափի, ժանրի, ոճի, պատկերված առարկայի, ինչպես նաև՝ գնի բնութագրերով:
