Չնայած արտասահմանից օգնության ծավալների կրճատմանը՝ պարենային օրապահիկներն այս տարի Հյուսիսային Կորեայի բնակչության համար ավելի «ծանրակշիռ» են դարձել՝ նախորդ տարվա համեմատ: Այս մասին հաղորդում է «Ռենհապ» գործակալությունը:
Համաձայն ՄԱԿ-ի պարենի համաշխարհային կազմակերպության՝ այս տարվա առաջին 5 ամսում իշխանությունները յուրաքանչյուրի անձի օրական տրամադրել են գրեթե 400 գրամ սնունդ, հունիս-հուլիսին՝ 390 գրամ:
Անցյալ տարի Հյուսիսային Կորեայում մեկ շնչին առաջին 7 ամսում հատկացվում էր 383 գրամ սննդամթերք:
Հյուսիսային Կորեայում պետական օրապահիկներ է ստանում մոտ 16 մլն բնակիչ կամ բնակչության ընդհանուր թվաքանակի՝ 24.2 մլն-ի 66 %-ը:
