Չնայած ՀՀ և ԱԺ նախագահներ Սերժ Սարգսյանն ու Հովիկ Աբրահամյանն արդեն մի քանի օր է` վերադարձել են հանգստից, սակայն ՀՀԿ-ն չի պատրաստվում այս հինգշաբթի ԳՄ նիստ հրավիրել:
«Հրապարակ» օրաթերթը գրում է, որ արդեն մի քանի շաբաթ է, ինչ ԳՄ նիստեր չեն եղել, այս շաբաթ ինչո՞ւ չի լինելու` թերթը հարցրել է ՀՀԿ-ի իրենց աղբյուրին:
«Պատգամավորների մեծ մասը դեռ հանգստանում են, երկրում չեն, կգան, նոր կանենք»: Օգոստոսի 5-ից սկսվել են Սյունիքի մարզի թիվ 38 ընտրատարածքի պատգամավորության թեկնածուների առաջադրումները: Առաջադրման վերջնաժամկետը օգոստոսի 15-ն է, գրանցումը` օգոստոսի 15-25-ը:
ՀՀԿ-ն մինչ այդ ժամկետները կհասցնի՞ նիստ հրավիրել և հայտարարել իր թեկնածուի անունը: Ընտրություններն այս տարածքում նշանակված են սեպտեմբերի 29-ին: Ըստ որոշ լուրերի՝ Սերժ Սարգսյանը ՀՀԿ գործադիր մարմնի վերջին նիստում հանձնարարել է Սյունիքի ՀՀԿ տարածքային կազմակերպությանը թիվ 38-ի թեկնածուին նախ որոշել իրենց մոտ: Իսկ ՀՀԿ Սյունիքի տարածքային կազմակերպության նախագահը նախկին մարզպետ Սուրիկ Խաչատրյանն է, ով երեկ չի բացառել անգամ իր առաջադրման հավանականությունը: